Астана қаласы әкімдігінің "№ 95 "Алматы" балабақшасы"мемлекеттік коммуналдық қазыналық кәсіпорны

Мектепалды  «Таусамал» тобы

Мектепалды «ТауСамал» тобы  2022 жылы балабақшаға алғашқы рет қабылданды. Сол жылдан бері жетекшілік етудемін. Балалар есейіп оң солын тани бастады. Тәрбиеленушілердің жас ерекшеліктері ескеріле отырып, олардың танымдық, коммуникативтік, шығармашылық және әлеуметтік құзыреттіліктерін дамытуға бағытталған жүйелі жұмыстар жүргізіледі.  Оқу жылындағы негізгі міндеттер: әр баланың жеке қабілеттері мен қажеттіліктерін ескере отырып, жайлы дамытушы қауіпсіз білім беру ортасын, оның ішінде инклюзивті орта құруды; балаларды қызықты ойын түрінде тәрбиелеу, оқыту және дамытуды; баланы білім беру процесіне толыққанды қатысушы деп тану; ерекше білім берілуіне қажеттіліктері бар балаларға қоғамның оң көзқарасын қалыптастыруды; мектепте оқуға қажетті дағдыларды жетілдіруді; әртүрлі әлеуметтік топтардан шыққан балалардың сапалы мектепке дейінгі білім алуы үшін тең бастапқы мүмкіндіктерді қамтамасыз ету. Мектепке дейінгі жас баланың жеке тұлғасын қалыптастыру өте маңызды. Бұл жаста балалардың сөйлеу, сенсорлық дағдылары қалыптасады, сондай-ақ ақыл-ой, дене, эстетикалық, патриоттық тәрбие беру көзделеді. Мектепке дейінгі ұйымдар тәрбиелеу-білім беру қызметін мектепке дейінгі тәрбие мен оқытудың мемлекеттік жалпыға міндетті стандартына; мектепке дейінгі тәрбие мен оқытудың үлгілік оқу жоспарларына; мектепке дейінгі тәрбие мен оқытудың үлгілік оқу бағдарламасына сәйкес жүзеге асырады.  Балалардың жеке қажеттіліктерін ескере отырып, олардың жан-жақты үйлесімді дамуы үшін жайлы және қауіпсіз жағдайлар жасау болып табылады. Бала тәрбиесі бесіктен басталады. Отбасындағы тәрбие мен балабақшадағы тәрбиені ұштастыра отырып, әрі қарай жақсы жолға түсуіне себепкер болады. Қазіргі заманда әр отбасында дүниеге келген сәбиді, өсіп жатқан буынды өзінің ана тілімен сөйлету-ұлттық қасиетіміздің дамуының бірден бір жолы. Балабақша бақыттың ең бірінші баспалдағы, баланың  болашағы.

Ересек «Таусамал» тобы – балалардың жан-жақты дамуына, дербестігі мен құзыретті тұлға болып қалыптасуына бағытталған, тәжірибелі тәрбиешілердің жетекшілігімен жұмыс істейтін ұйымдасқан мектепалды топ.